Hulumtimet e reja nga një grup studiuesish në “Universitetin Duke” krahasuan 14 lloje maskash për të parë se cilat do të ishin më efektive në zvogëlimin e përhapjes së koronavirusit.
Njëri prej tyre, ata gjetën, i bëri gjërat më keq.
Studiuesit testuan se sa efektive ishte secila maskë në zvogëlimin e numrit të pikave të frymëmarrjes të transmetuara gjatë të folurit.
Ata testuan maska kirurgjikale, maska N95, maska pambuku dhe maska polipropileni, si dhe alternativa të bëra në shtëpi siç janë shallet.
Studiuesit zbuluan se shumica e maskave zvogëlojnë numrin e pikave të frymëmarrjes të transmetuara, duke shtuar në provën se maskat janë të rëndësishme për të ndihmuar në kufizimin e përhapjes së koronavirusit. Ata zbuluan se maska polipropileni transmetonte një numër të ngjashëm pikash si maskat kirurgjikale dhe N95, të cilat transmetonin pikat më të pakta.
Megjithatë, shalli dhe bandanat kishin numër më të lartë të pikave të frymëmarrjes. Në fakt, studiuesit zbuluan se shalli rrit numrin e pikave të frymëmarrjes duke krijuar disa pika më të vogla nga ato më të mëdha, duke rezultuar në më shumë pikëza sesa të mosmbajtja fare e maskës.
Studimi raporton se meqë pikat më të vogla mund të qëndrojnë në ajër më gjatë se pikat më të mëdha, vendosja e shallit si maskë “mund të jetë kundërproduktive”.
Udhëzimet e Organizatës Botërore të Shëndetit rekomandojnë që maskat e bëra në shtëpi të kenë tre shtresa, dhe që njerëzit t’i lajnë rregullisht dhe t’i veshin si duhet. /SCAN
