Policia e Shkodrës ka ndaluar një 44-vjeçar pasi akuzohet se shfrytëzoi si lypës një burrë tjetër.Burime nga policia thanë se kanë arrestuar një ditë më parë Bardhyl Karamonllarin, banues në Fushë Krujë
Ky person dyshohet se ka shfrytëzuar me qëllim përfitimi 40-vjeçarin me inicialet A. M., banues në Korçë, duke e detyruar nën presionin psikologjik që të lypte nëpër rrugë të qyteteve të ndryshme të Shqipërisë, ku e dërgonte me mjetin e tij “Opel”, dhe të gjitha fitimet i administronte vetë Karamonllari.
Gjithashtu vazhdojnë hetimet e mëtejshme për zbardhjen e plotë të kësaj çështje nëse ka persona të tjerë të implikuar apo të mbajtur nën presion në këtë veprimtari kriminale.
Dosja i ka kaluar Prokurorisë së Shkodrës, për veprën penale “Trafikim i personave”.
