Robert Aliaj shpesh është kritikuar për mbajtjen e syzeve të diellit gjatë spektaklit në TV Klan. Ditën e sotme ai ka vendosur që ti heq syzet, por ka shokuar të gjithë publikun me paraqitjen e tij.
Javën e kaluar ai u kritikua shumë për flamurin e deformuar, duke e detyruar Nard Ndokën që ta vishte bluzën më shqiponjën që të gjithë e quajtën me motive “naziste”.
Ndërsa sot ai ka hequr syzet dhe ka vendosur një maskë, që ia tregon fytyrën të deformuar.
“Këta të duan me maskë, nuk të duan siç je”, ka thënë me ironi Roberti duke thënë se njerëzit mund t’i marrin çdo gjë, por jo shpirtin e tij të lirë.
Prezantuesja, Alketa i ka kërkuar të ndryshojë sjellje, pasi këtë spektakël e ndjekin edhe fëmijët, por mesa duket Robert Aliaj ka vendosur që sot të dhurojë një “shfaqje të frikshme” me paraqitjen e tij.
