Që Shqipëria po shkon drejt greminës, mjafton të shohësh se si funksionin sistemi arsimor në vend, dhe aty i kupton të gjitha.
Prej gati 7 muajsh nxënësit në Shqipëri nuk janë as në ‘qiell’ e as në tokë, kjo fillimisht prej pandemisë dhe izolimit në shtëpi, ndërsa tani prej keqmenaximit, paditurisë dhe injorancës së madhe që ka përfshirë sistemin arsimor, nisur nga Ministrja e Arsimit, Evis Kushi ( e cila njësoj si paraardhësja e saj vijon të bëja vrima në ujë dhe eksperimente me Turin) e deri tek drejtorët e shkollave që zbatojnë me përpikmëri vendimet e partisë e as që duan t’ia dinë për fëmijët.
Në Boldnews.al ka mbërritur një denoncim i cili tregon se si po terrorizohen dhe shkelen të drejtat e nxënësve në shkollën ‘Emin Duraku’ në Tiranë, e në çdo shkollë tjetër në Shqipëri.
Sipas denoncuesit drejtoresha e Shkollës ‘Emin Duraku’, Besa Tarka, e cila sot duhej të ishte në pension, por DAR Tirana nuk e largon këtë ‘shoqe’ të devotshme të partisë nga puna, po terrorizon dhe ju bën presion të vazhdueshëm nxënësve, duke ju dhënë orë mësimi shtesë pa i lajmëruar.
Nxënësit ankohen se nuk kanë as kohë për tu përgatitur për orët shtesë, por edhe lodhen nga oraret e ngjeshura, por për Besën e partisë rëndësi kanë urdhërat e Ministrisë së Arsimit dhe jo të drejtat e fëmijëve.
Madje Besa ka arritur deri aty sa t’i kërcënojë fëmijët me thyerje note në sjellje, ose me notën 4 për ata që ngrenë zërin më shumë se të tjerët.
Pashpirtësia e Besës së partisë arrin deri aty, sa një javë më parë nxori disa nxënës nga klasa duke i lënë në mes të shiut, pasi në shkollë mungonin mësues sepse ishin infektar nga Covid.
Por nuk është vetëm ‘Emin Duraku’, në çdo shkollë të Shqipërisë është e njëjta sjellje, ku ‘Besat’ e partisë zbatojnë me përpikmëri urdhrat verbalë që vijnë nga Ministria e Arsimit (dje Shahini e sot Kushi), duke terrorizuar nxënësit, duke ju kërkuara para që tamponët e mësuesve të paguhen nga prindërit e tyre, e duke gatuar një ‘çorbë’ të madhe me oraret e mësimeve.
E nëse del dhe pyet çdo nxënës në Republikën e Shqipërisë se çfarë ore mësimi keni nesër? Askush nuk do ju përgjigjet, pasi çdo orë mësimore varet nga ëndrat që sheh Ministrja e Arsimit e më pas zbatohet në çdo shkollë nga ‘Besa’ e partisë.
Boldnews.al ju drejtua me një kërkesë Ministrisë së Arsimit, ku e pyetëm nëse i miraton këto sjelljeje prej ‘Gestapoje’ që ‘Besa’ e partisë pop bën ndaj nxënësve në çdo shkollë në Shqipëri, duke telefonuar, dërguar ssm dhe ëhatsapp, por nuk morëm asnjë përgjigje.
Prandaj Boldnews.al po e pyet sërish publikisht Ministren e Arsimit, Evis Kushi: A i miratoni ju zonjë, këto sjellje të vartësve tuaja në shkolla? /Boldnews.al/ T.H
