Policia greke ka shkatërruar grupin e organizuar kriminal që merrej me importin e lëndës narkotike dhe armëve nga Shqipëria për në Greqi, i cili përbëhej nga katër shtetas grekë dhe katër shqiptarë të moshës nga 24 deri në 51 vjeç.
Një shqiptar nga Devolli akuzohet se është kreu i grupit të strukturuar kriminal që trafikonte lëndë narkotike dhe armë nga Shqipëria në Greqi, i cili në maj u arratis nga burgu bashkë me shokun e qelisë.
Nga hetimet e policisë në Selanik rezultoi se në drejtimin e shqiptarit 33 vjeç, në maj grupi është strukturuar me role specifike me qëllim trafikimin e kanabisit dhe armëve.
Ky grup ka importuar përmes detit, nga territorit shqiptar në atë grek, të paktën 48 kg kanabis, kallashnikov dhe një granatë, gjatë periudhës qershorkorrik 2016. Tre muaj pas arratisjes, dy shqiptarët u kanë nga Policia e Shtetit në vendin tonë. Në momentin e arrestimit atyre iu gjetën tre kallashnikovë, një pistoletë dhe mbi 3 kg kanabis. Pas ekstradimit në Greqi, 33vjeçari është transferuar në burgun e Domokos kurse 42vjeçari në burgun e Nigritës. Kreu i grupit i akuzuar për trafik droge dhe 42vjeçari i dënuar me burgim të përjetshëm për vrasjen e një bashkatdhetari, u arratisën nga dritarja e qelisë.
