Gjykata e Tiranës ka pranuar kërkesën e prokurorisë dhe ka vendosur ditën e sotme për pushimin e çështjes ndaj Gjergj Cukalit, i akuzuar për vrasjen e ish-policit Arben Bilali.
Cukali u vu në pranga si i dyshuar për vrasjen e ish policit Arben Bilali në Janar të 2019. Ai qëndroi disa muaj në burg pas arrestimit, që erdhi për shkak të maës së arrestit me burg që vendosi ndaj tij Gjykata e Tiranës.
Por, Apeli e liroi. Pas rrëzimit të akuzës nga shkalla e dytë, prokuroria nuk gjeti më të dhëna që mund ta implikonin Cukalin në krim. Në këto kushte, kërkoi pushimin e hetimeve ndaj Cukalit.
