Koronavirusi vërtet sa vjen e po bëhet një problem i madh për Shqipërinë. Qytetet më të prekura deri tani janë Tirana dhe Elbasani.
Shifra të larta të infektuarish me Covid janë regjistruar këtë të dielë në Elbasan. Bëhet me dije se gjatë orëve të fundit 21 raste të reja janë konfirmuar me koronavirus, mes tyre edhe dy mësuese, duke e çuar në 236 numrin e përgjithshëm të të infektuarve në këtë qark.
Mes të infektuarve është edhe një punonjëse e Këshillit të Qarkut Elbasan.
Ndërkohë një ditë më parë në vendin tonë janë konfirmuar pozitiv me Covid 165 raste të reja dhe tre persona kanë humbur jetën. Nga fillimi i pandemisë e deri më tani si pasojë e Covid kanë humbur jetën 416 persona.
