Një shumë prej gati 30 mijë euro është sekuestruan në Kakavijë, këtë të Premte dhe një person është proceduar penalisht.
Policia njoftoi se: shërbimet Kufitare në Kakavijë, mëngjesin e sotëm, në dalje të RSH-së, kanë ndaluar për kontroll në vijën e dytë, mjetin tip “Suzuki” me drejtues shtetasin C.Z., 64 vjeç, lindur në Himarë dhe rezident në Greqi. Gjatë kontrollit të ushtruar në automjet, shërbimet e Policisë Kufitare, në bashkëpunim me shërbimet doganore, i gjetën të fshehura në një çantë dore 30 800 euro, të cilat u sekuestruan në cilësinë e provës materiale.
Në përfundim të veprimeve të para të kryera nga specialistët e Seksionit të Hetimit të Krimit Ekonomik e Financiar në DVP Gjirokastër, u procedua penalisht shtetasi C. Z., për veprat penale “Mosdeklarimi i të hollave dhe sendeve me vlerë në kufi” dhe “Pastrimi i produkteve të veprës penale ose veprimtarisë kriminale”, njoftoi policia.
