Rritja e numrit të rasteve të reja me koronavirus në SHBA ditët e fundit ka çuar në mbylljen e 169 shkollave, në New York.
Sipas drejtuesit të New Yorkut Bill de Blasio, fillimisht, janë mbyllur 108 në bashkëpunim me shtetin, ndërkohë më pas është kërkuar edhe mbyllja e 61 shkollave të tjera për shkak të kufizimeve, bëjnë me dije mediat e huaja.
“Shkollat që ishin mbyllur më parë do të qëndrojnë të mbyllura edhe për dy javë të tjera”, ka thënë de Blasio.
Ndër të tjera theksohet se ka 308 shkolla në zonën e verdhë që do të fillojnë testimin e detyrueshëm javor duke filluar nga 9 tetori. Të gjitha bizneset jo-thelbësore do të mbyllen, restorantet do të punojnë vetëm me shërbimin “merre me vete”.
Mbledhjet masive janë të ndaluara dhe shtëpitë e adhurimit mund të funksionojnë me kapacitet prej 25 për qind. Ndryshe, qyteti i New Yorkut deri më tani ka regjistruar mbi 251 mijë raste me koronavirus gjersa kanë vdekur 23852 njerëz.
