Zlatan Ibrahimovic dhe Leo Duarte kanë rezultuar pozitivë sërish në testin që kanë kryer ditën e djeshme dhe do të vijojnë të qëndrojnë në izolim.
Tekniku shpresonte shumë që të dy futbollistët të kishin mposhtur koronavirusin, me qëllim që t’i angazhonte në përgatitjet për derbin e Milanos (luhet më 17 tetor) të paktën deri ditën e hënë asnjë prej të dyve nuk do të stërvitet nën urdhrat e Piolit.
Ky i fundit ka një organikë të cunguar në dispozicion, duke qenë se disa futbollistë kanë udhëtuar drejt përfaqësueseve respektive, por mund të kënaqet me faktin që kapiteni Alessio Romagnoli po stërvitet plotësisht me grupin dhe do të jetë gati për derbin.
Ndërkohë vijon puna edhe për rikuperimin e sulmuesit kroat Ante Rebic, që ka një problem në bërryl prej më tepër se një jave, por ditët kalojnë dhe optimizmi sa vjen e bie, pasi përmirësimi duket se po ecën më ngadalë sesa pritej.
