Policia në Leçe, Itali ka arrestuar një shqiptar të cilit iu gjetën në makinë 64 kg marijuanë.
Operacioni u zhvillua dje në mëngjes ku shqiptari po lëvizte me një makinë drejt Barit. Mediat italiane duke cituar policine shkruajnë se makina me ngjyrë të errët dhe e përdorur shumë keq lëvizte me ngadalë në buzë të xhadesë.
Tatimorët italianë, të vënë në alarm nga sasitë e mëdha të drogës që ishin sekuestruar një natë më parë, kishin vendosur të vazhdonin kontrollin e makinave.
Ata urdhëruan shoferin që të ndalonte makinën, por papritur ai zbriti dhe u përpoq të ikte në një fshat aty pranë para se t’i kërkohej nga policia të tregonte dokumentet e identifikimit. Shoferi u kap pasi vrapoi disa qindra metra për të fshehur gjurmët.
Policia zbuloi brenda makinës së tij 64 kg marihuanë që me vlerë tregu shkonte në 90 mijë euro. Po ashtu, sekuestroi makinën dhe ndërkohë, shpërndarësi shqiptar nga Vlora, me iniciale L.I. lindur në 1989, është arrestuar dhe është vënë në dispozicion të autoriteteve gjyqësore vendase.
