Qeveria franceze pritet të prezantojë së shpejti dënime me burg e gjobë për doktorët që japin të ashtuquajtura “çertifikata virgjërie”, për martesa tradicionale fetare.
Drafti është pjesë e legjislacionit për përforcimin e vlerave laike franceze kundër asaj që presidenti Emmanuel Macron quajti dy ditë më parë “separatizmi islamik”.
Ministria e brendshme franceze tha se ligji propozon një vit burg ose gjobë 15,000 euro për punonjësit e mjekësisë që lëshojnë “çertifikata virgjërie”.
Sipas mediave franceze, rreth 30% e doktorëve franceze kanë pasur kërkesë për çertifikata të tilla edhe pse shumica e tyre i refuzojnë. OBSH thotë se praktika shkel të drejtat njerëzore.
