Policia italiane ka vënë në pranga një shtetas shqiptar pasi gjatë kontrollit të ushtruar në automjetin me të cilin udhëtonte janë gjetur 6 kg kokainë, vlera e të cilës nëse do të hidhje në treg kap shifrën e 1 mln eurove.
Shtetasi shqiptar, identiteti i të cilit nuk bëhet me dije, udhëtonte me një automjet tip ‘Opel’ me targa gjermane, nga Gjermania për në Itali së bashku me vajzën e tij 8-vjeçare.
Arrestimi i tij u bë në afërsi të kufirit me Austrinë, në vendin e quajtur Vipitenos, dhe dyshimet e policisë nisën pasi shqiptari nisi të bëhej mjaft nervoz gjatë ndalesës rutinë të policisë rrugore.
Nga kontrolli i imtësishëm në automjet, policia arriti të gjente edhe sasinë e kokainë të ndarë në 6 pako.
