Dy drejtues mjetesh janë konfliktuar në Allias të Tiranës ku sherri ka degjeneruar në përdorimin e armëve pasditen e sotme.
Mësohet se shkak i konfliktin ka qenë një parakalimin përkatësisht në rrugën “Njazi Meka”. Madje, njëri prej tyre ka qëlluar me armë zjarri në ajër dhe më pas është larguar. Policia ka shkuar në vendngjarje dhe ka sekuestruar gëzhojën. Po kështu, janë ngritur pika kontrolli dhe po punohet për kapjen e drejtuesit.
NJOFTIMI I POLICISE
Më datë 22.10.2016, rreth orës 18:30, pas një telefonate tek numri i emergjencave 112, njoftohemi se në rrugën “Njazi Meka”, Allias, ka të shtëna me armë zjarri. Menjëherë janë dërguar Shërbimet e Komisariatit të Policisë Nr 4 dhe Skuadra Shqiponjat, ku në adresën e dhënë kanë kontaktuar me shtetasin Q. C., i cili ka deklaruar se ishte konfliktuar me një drejtues mjeti tjetër ku kë i fundit kishte qëlluar një herë në ajër me armë zjarri. Në vendin e ngjarjes është gjetur dhe sekuestruar në cilësinë e provës materiale një gëzhojë Janë ngritur pikat e kontrollit dhe po punohet për kapjen e drejtuesit të mjetit tip Ford.
