Votimi i njëanshëm i ndryshimeve në Kodin Zgjedhor nga ana e PS-së solli një varg reagimesh ndërkombëtare, të cilat theksonin se këto ndryshime u bënë pa marrëveshje mes palëve, duke hedhur poshtë marrëveshjen e 5 qershorit.
Ambasada e SHBA-së në Tiranë, shprehu vetëm keqardhje që mazhoranca shkeli marrëveshjen.
Por deklarata e Ambasadës së SHBA në Tiranë ka marrë reagime negative nga shumë analistë shqiptarë, ku ndër ta Andi Bushati ka reaguar duke thënë se kjo ishte një tjetër deklaratë qesharake e rruges Elbasanit.
Reagimi i plotë i Andi Bushatit:
Nje tjetër deklaratë qesharake e rruges Elbasanit.
1) Kuvendi e kishte tagrin për ndryshimin e Kodit. Po ateherë pse i lodhen kot ata pa tagër që i thirrën në ambasadë në qershor?
2) Ndryshimet nuk e shkelin po e plotësojne 5 qershorin. Po ato dy nenet ku filitet për koalicione të përbëra? Apo VK, kush i mban mend.
3) E vetmja vërejtje për Ramën është që mund të bëhej pak çun më i mirë dhe të jepte konsensus.
Tani ska mbetur gjë tjetër veçse në 25 prill ta shpallin Edin ‘burrë shteti” dhe ta falenderoi zotin Luli Basha që i besoi symbyllur që prej 14 janarit.
