Një aksident me një të plagosur ka ndodhur mëngjesin e sotëm në autostradën Durrës-Tiranë.
Dy automjete janë përplasur dhe për pasojë, një prej tyre është batuar.
Policia njoftoi se rreth orës 08:55, shtetasi H.M., duke drejtuar mjetin tip “Ford” është përplasur me një tjetër mjet tip “Fiat” me drejtues shtetasin B.L..
Për pasojë, është lënduar pasagjerja në mjetin tip “Ford”, shtetasja F.M., e cila është dërguar në spital nën kujdesin e mjekëve.
Grupi hetimor ndodhet në vendngjarje dhe po punon për zbardhjen e ngjarjes, shtuan të njëjtat burime.
