Edhe pse regjia e kryeministrit Rama kujdeset për të mos dalin incidente, sërish kjo nuk është arritur. Teksa ka po zhvillonte një takim me banorët e Këlcyrës, kryeministri Rama ftoi qytetarët që të shprehen lirshëm.
Por i pari që morri mikrofonin ishte një i moshuar i cili e vlerësoi kryeministrin Edi Rama për takimet që bën me ta, njësoj siç bënte ish-diktatori Enver Hoxha dikur.
Fermeri: Ky është takim gju më gju me popullin si e quajti ai i ndjeri qëmoti, ky është , hallall jua bëftë Zoti, ne flasim ashtu si dimë, edhe nëse flasim të ngatërruar e di ti atë punë, se e rregullon ti. Të zgjidhen problemet të kopsiten dokumentet. Behari që vjen the do rregullohen të gjitha tokat të vaditen. Por duhet ta dijnë fshatarët, cila tokë të vaditet e tija apo e tjetrit. Duhen vënë pikat mbi ‘i’”.
Por kryeministri Rama ka ofenduar qytetarin duke e pyetur për kanabisin.
Rama: Si jeni me hashashin nga fshati juaj?
Fermeri: Këtu më kape mat me një lëvizje, unë jam moshuar jam invalid, këtu dorëzohem, pyet më mirë moshën e re. Unë vetëm shoh në TV.
Rama: Në TV i shoh dhe unë po ti ke parë gjë?
Fermeri: Unë jo i ngre të dyja duart, më zure mat me një lëvizje.
Rama: Mu duke shumë në formë, mos të ka ardhur aroma dhe ty.
https://vid.me/3vcq
