Kryedemokrati Lulzim Basha ironizoi kryeministrin Rama duke thënë se ky i fundit quan sharlatan të gjithë ata që e sollën në pushtet ndërkohë vlerëson më tepër krimin dhe korrupsionin.
“Ky kryeministër quan sharlatan mediat, opozitën, qytetarët dhe çdo zë kundër tij përfshirë edhe ata që e besuan dhe e sollën në pushtet. Rama quan sharlatan ata aktivistë që deri dje kundërshtonte bashkë me ta ligjin e importit të plehrave. Natyrisht, kryeministri tani vlerëson më tepër njerëzit e krimit dhe korrupsionit.”- thekson Basha.
“Tenton t’i fusë të gjithë në kazanin e tij, por kazani i Edi Ramës është droga, helmet, që po asfiksojnë të ardhmen e Shqipërisë.”- shtoi më tej kryedemokrati.
