Kryetari i Partisë Demokratike Lulzim Basha, teksa po merr pjesë në konventë e Partisë Agrare Ambjentaliste lëshoi një sërë akuzash ndaj kryeministrit Rama. Sipas tij, kjo qeveri premtoi parajsën në vitin 2013 por sot është dëshmia e gjallë e dështimit.
Kryedemokrati u shpreh se do të bëjë maksimumin për të ndarë Shqipërinë nga bota e krimit dhe kjo bëhet me votë të lirë dhe të ndershme.
“Ndarja me krimin është një urgjencë kombëtare, është një thirrje e shoqërisë, është një thirrje e Shqipërisë të cilës kemi detyrë t’i përgjigjemi. Hashashi është ekonomi kryesore e Shqipërisë sot. Kjo e keqe e madhe është përhapur me shpejtësi të madhe. Duhet ta ndalim sa më shpejt.”- u shpreh Basha.
