Konsumimi i kanabisit nga nënat gjatë shtatzënisë rrit në sasi të konsiderueshme rrezikun e autizmit tek fëmija. Në këtë konkluzion arrin një studim i mjekëve të Spitalit të Fëmijëve në Ontarion Lindore në Kanada.
Sipas tyre, rreziku i lindjes së një fëmije autik tek nënat që konsumojnë kanabis gjatë shtatzënisë rritet minimalisht me 50%.
Studimi konstaton se substancat e rrezikshme që ka në përbërje kanabisi, si tetrahydrokanabinoli kanë vetinë të përcillen direkt në fetus nga nëna përmes rrjedhës së gjakut. Ç’ rregullimet tek fetusi janë të parikuperueshme.
Studimi ka zgjatur 5 vite, dhe janë analizuar gjysmë milioni gra nga viti 2007 deri në 2012, 0.6% e të cilave përdorën kanabis gjatë shtatzënisë.
Studimi ka arritur gjithashtu në përfundimin se konsumi i kanabisit gjatë shtatzënisë është shkak për lindje të parakohshme dhe të peshës së ulët tek të sapolindurit.
