Një shpërthim ka ndodhur në oborrin e një banesë private, në zonën e “Ali Demit” në kryeqytet, mëngjesin e sotëm. Dyshimet e policisë janë se ka shpërthyer një bombol gazi. Nuk raportohet për persona të lënduar.
“Rreth orës 08:50, në rrugën ‘Idriz Dollaku’, dyshohet se ka shpërthyer një bombul gazi, në oborrin e banesës private të shtetasit N.H., ku ka vetëm dëme materiale. Grupi hetimor dhe shërbimet e Policisë ndodhen në vendngjarje dhe po punojnë për zbardhjen e plotë të rrethanave të ngjarjes”, njoftoi policia.
