Reperi i njohur shqiptar S4MM i ka dhënë fund beqarisë në një dasmë shumë modeste mes miqsh dhe të afërmish në Belgjikë. Larg kamerave, S4MM u kurorëzua në martesë me të fejuar e tij, Filis Ismaili.
Një faqe në Instagram ka siguruar një video nga dasma e reperit, në të cilën ai shihet duke dalë përdore me bashkëshorten, ndërkohë që të tjerët ju hedhin petale trëndafili.
Dashurinë e tyre ata e kanë kurorëzuar në Belgjikë dhe të dy janë veshur shumë thjeshtë. Filis ka veshur një fustan të shkurtër të bardhë, ndërsa reperi një këmishë të bardhë dhe pantallona të zeza.
Në fund të vitit të shkuar, S4MM pranoi lidhjen me vajzën në fjalë duke u shprehur se e njeh prej shumë kohësh, ndërsa Filis ka treguar më herët për ndjekësit në rrjete sociale se takimi i tyre i parë ka qenë në Gjermani.
