Instituti Kombëtar i Shëndetit Publik në Kosovë njoftoi sot se janë konfirmuar 43 raste të reja me koronavirus. Rezultatet janë në bazë të 589 testimeve.
Sipas të dhënave, nga Covid kanë vdekur edhe dy pacientë duke e rritur numrin e viktimave në Kosovë në 627.
Në raportin ditor të IKSHPK-së, njoftohet se të enjten janë konfirmuar si të shëruar edhe 123 pacientë, ndërsa raste aktive janë 1.359.
Që nga muaji mars në Kosovë janë infektuar gjithsej 15.663 persona. Prej tyre, 13.677 janë shëruar.
