Gjykata e Durrësit ka vendosur “arrest në burg” për 39-vjeçarin L. Kurti, i cili akuzohet se ka kryer marrëdhënie seksuale me vajzën e bashkëjetueses nga martesa e parë.
Masa e sigurisë u dha nga gjykata në përputhje me kërkesën e prokurorisë.
Policia njoftoi arrestimin e 39-vjeçarit tre ditë më parë: “Specialistët për Hetimin e Krimeve në Komisariatin e Policisë Durrës, arrestuan në flagrancë shtetasin L.K., 39 vjeç, banues në Durrës, pasi dyshohet se ka kryer mardhënie seksuale me një shtetase të mitur 14 vjeçe. Kjo e fundit është vajza e bashkëshortes së tij nga martesa e parë”.
Rasti është është denoncuar në polici pikërisht nga nëna e të miturës, pasi kjo e fundit i kishte rrëfyer ç’kishte ndodhur.
Nëna së bashku me të bijën i janë drejtuar komisariatit të qytetit dhe kanë denoncuar se bashkëjetuesi i tyre ka abuzuar seksualisht me 14-vjeçaren. Sipas vajzës, çdo gjë ka ndodhur kur nëna e saj nuk ndodhej në shtëpi. Madje e mitura ka deklaruar se edhe është dhunuar fizikisht dhe psikologjikisht nga 39-vjeçari, thanë burime policore.
