Një 35-vjeçar shqiptar me iniciale X.A. është arrestuar së fundmin nga policia britanike me qëllim ekstradimin e tij në Itali, pas një urdhër-arresti evropian i lëshuar nga Prokuroria e Xhenovas.
Ai është dënuar me 4 vite, 10 muaj dhe 4 ditë burg për vjedhje të rëndë, dhunë në familje dhe tentativë grabitjeje, raportojnë sot mediat lokale.
Krimet i ka kryer në Xhenova dhe Milano mes vitit 2004 dhe 2012. Arrestimi është kryer në Essex, në verilindje të Londrës.
Ai ishte strehuar në Mbretërinë e Bashkuar menjëherë pas këshillimit të urdhër arrestit në janar të këtij viti.
Hetimet për gjetjen e tij janë kryer nga policia italiane, duke vëzhguar rrjetet sociale, ku 35-vjeçari kishte kontakte me disa gra nga Evropa Lindore banuese në Itali.
Në vitin 2004, shqiptarë me disa bashkëpunëtorë ka kryer dy grabitje në Milano dhe Xhenova. Në një grabitje tjetër, kishte kërcënuar një person me shumën e 50 mijë eurove. Ai ka përdorur edhe armë elektrike, shkruan Syri.net.
Ndërsa në vitin 2012, shqiptari është raportuar nga ish-gruaja për keqtrajtim. Në vitin 2015, është zhdukur nga vendi. Pas përfundimit të formaliteteve, personi i arrestuar është shoqëruar në burgun Marassi.
