Enca rrëfen kohët e vëshitra që kaloi: Babai im u nda nga jeta, më është copëtuar zemra nga i dashuri dhe miqtë

Këngëtarja shqiptare Enca ka ndarë në story disa nga momentet e mira dhe të këqija që ka kaluar kohët e fundit. Ajo i drejtohet fansave të saj duke i thënë se jeta është si piano ka ditë të mira dhe të këqija.

“Unë preferoj që të ndaj vetëm momentet e mia të mira në Instagram, sepse dua që të ndaj vetëm pozitivitet dhe të mbaj mend momentet e bukura, por jeta nuk ka vetëm nga momentet e mira. Kështu që, ndonjëherë mendoj se duhet t’i normalizojmë edhe ditët e këqija. Mendojeni jetën si piano! Ka ditë të bardha dhe të ditë të zeza. Jeta është një piano”, shkruajti ajo.

Kujtimet e këqija të saj janë: “Babai im u nda nga jeta. Më është copëtuar zemra nga miqtë dhe lidhja romantike. Humba miqtë fals. M’u desh të ndaloja aktivitetet e mia dhe ngela thuajse pa punë për shkak të pandemisë dhe politikës. Theva këmbën dhe bëra një ndërhyrje kirurgjikale dhe më duhet të pushoj për disa muaj”.

Në mesin e këtyre momenteve, Enca zbuloi se është dashuruar dhe se ka humbur disa miq jo të vërtetë e po ashtu ka mbetur edhe pa punë si pasojë e pandemisë.

“Premiera e filmit, eksperienca e parë e madhe si aktore, turneu i filmit në Evropë, emocione të reja. Më shumë kohë për veten time, miqtë dhe familjen për shkak të pandemisë. Ndërtova një shtëpi muzikore, duke prodhuar vetë muzikë. Publikova një hit të madh. Kalova pushime verore të mrekullueshme. Rashë sërish në dashuri”, ishin momentet më të mira për këngëtaren.

Pak kohë më parë, këngëtarja theu këmbën dhe iu nënshtrua një operacioni dhe si rrjedhojë, këtë periudhë po e kalon në shtëpi, duke marrë veten.