Katër nxënëse të një klase në shkollën e fshatit Bilaj në Fushë Krujë janë asfiksuar nga tymi. Ato janë dërguar me urgjencë në spital ku janë vënë nën kujdesin e mjekëve.
Nxënëset kanë treguar se tymi i ka asfiksuar kur kanë hyrë brenda në klasë.
“Nuk ka qenë tym duhani. Kur u futëm në klasë filluan të na merren mendtë dhe të vjellim”, kanë thënë nxënëset.
Në shkollë kanë mbërritur forcat e policisë që kanë nisur hetimet.
Pak javë më parë në urgjencën e QSUT-së u paraqitën disa nxënës shkolle, të cilët kishin të njëjtat simptoma me vajzat e Fushë Krujës. Pavarësisht se u ngritën dyshime për konsumim droge në shkollë, asgjë nuk u konfirmua.
