OFL u kërkon justifikimin e pasurisë 5 të dënuarve (EMRAT)

OFL u ka nisur kërkesat me shkrim për vetëdeklarimin e burimeve të pasurisë 5 të dënuarve.

Ata janë:

1. Tauland Starova, banues në Tiranë, i dënuar në Zvicër, për veprën penale “Trafikimi i narkotikëve”;
2. Marinelo Sula, banues në Urën Vajgurore, Berat, i dënuar për veprën penale “Vjedhja me dhunë”;
3. Kliton Hoxha, banues në Berat, i dënuar për veprën penale ’’Vjedhja me dhunë”;
4. Nderim Deliu, banues në Berat, i dënuar për veprën penale “Rrëmbimi ose mbajtja peng e personit”;
5. Gramos Toto, banues në Berat, i dënuar në Itali për veprën penale “Trafikimi i narkotikëve”.

“Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme”, njoftoi policia.