Saimir Taullau është arrestuar, pasi ishte shpallur në kërkim ndërkombëtar nga autoritetet zvicerane. Ai u vu në pranga në Maqedoninë e Veriut, në bazë të një urdhër ndalimi që rëndonte ndaj tij nga autoritetet zvicerane për trafik narkotikësh.
Taullau dhe familja e tij njihen si rivalë të ish-drejtuesit të “bandës së Lushnjës” Aldo Bare. Ai u ka shpëtuar dy atentateve. Konfliktet nisën pas vrasjes së vëllait të tij, Baki Taullaut në vitin 2005.
Taullau njihet si biznesmen në Lushnjë.
Më herët, Saimir Taullaut iu sekuestrua një automjet i blinduar në kuadër të operacionit ‘Forca e Ligjit’.
