Ka ndërruar jetë në moshën 53-vjeçare, Arben Celi, një prej fotografëve të njohur shqiptarë të 30 viteve të fundit.
Ai mësohet se ka ndërruar jetë si pasojë e një ataku kardiak.
Lajmi është bërë i ditur nga miqtë e tij që i shkruajnë se janë tejet të pikëlluar dhe të tronditur nga ky lajm.
“Mos Ben! Mos miku im… Për ku kaq larg, në një vjeshtë me shi vëlla?!O Zot… Ngushëllime të ngrohta nënës së Benit, zonjës së tij dhe djalit të mrekullueshem; dy motrave, fisit të madh dhe të mirë Celi!
Ngushëllime gjithe miqve dhe shokeve te Benit, brenda dhe jashtë Shqipërisë…
Homazh për ty miku im i mirë…,” shkruan një prej miqve të tij.
“As e kisha menduar kurre se do e dëgjoja këtë lajm. O Ben Celi që ma theve zemrën. Përtej të qoftë rruga e lehtë dhe e ndriçuar siç ishe ti me buzëqeshjen dhe mirësinë tënde, o miku im! Nuk kam fjalë…,” shkruan një tjetër.
Arben Celi ka lindur në Tiranë. Ai ka punuar dhe si fotograf i Reuters për Shqipërinë.
