Pas shkëputjes javën e kaluar nga Partia Socialiste, deputeti Ben Blushi ka nisur takimet nëpër rrethe me mbështetës dhe simpatizantë, me të cilët po konsultohet për projektin e ri politik të tij që pritet të zyrtarizohet në muajin nëntor.
Së fundi ai ishte në qytetin e Përmetit, ndërsa pasdite pritet të zhvillojë një takim në qytetin e Fierit.
Blushi deklaroi javën e kaluar shkëputjen nga Partia Socialiste bashkë me kolegen Mimoza Hafizi.
Ai do të krijojë një parti të re me të cilën do të konkurrojë në zgjedhjet e ardhshme parlamentare.
