Dy futbollistët e Kombëtares shqiptare, Ledian Memushaj dhe Berat Gjimshiti e kanë nisur këtë javë me festë në familjet e tyre. Të dy futbollistët shqiptarë janë bërë baballarë me pak orë diferencë nga njëri-tjetri.
Fillimisht ishte Ledian Memushaj ai që u gëzua me lindjen e fëmijës së tij të parë, të cilit i ka vendosur emrin Damiano. Lajmin e ka bërë publik vetë klubi i Peskarës, i cili i ka uruar sa më shumë shëndet e lumturi të sapolindurit, duke uruar gjithashtu edhe mesfushorin e kombëtares shqiptare dhe partneren e tij, Françeska, për këtë këtë gëzim në jetën e tyre.
Pak orë më vonë, një njoftim i ngjashëm ka ardhur nga klubi i Atalantës, bergamaskët kanë përgëzuar Berat Gjimshitin dhe partneren e tij, Aliza, për lindjen e djalit të parë, të cilit çifti i ka vendosur emrin Lion Aron.
https://twitter.com/Atalanta_BC/status/1308493414321795072?ref_src=twsrc%5Etfw%7Ctwcamp%5Etweetembed%7Ctwterm%5E1308493414321795072%7Ctwgr%5Eshare_3&ref_url=https%3A%2F%2Fkonica.al%2F2020%2F09%2Fdy-futbollistet-e-kombetares-behen-baballare%2F
