Policia greke ka arrestuar një 32-vjeçar shqiptar, pasi gjatë kontrollit të ushtruar në mjetin e tij në Igumenicë, i janë gjetur 17 kg marijuanë. Lënda narkotike ishte fshehur në makinën tip “Mercedes-Benz” me targa shqiptare, me të cilin udhëtonte i riu, Ervis Hoxha.
Sipas policisë në Igumenicë, rezulton se në pasaportën e 32-vjeçarit nuk kishte vulë hyrëse për në Greqi.
“Operacioni i policisë është realizuar me ndihmën e qenit nuhatës me emrin “Lesi”. Gjatë kontrollit të ushtruar në hyrje të portit të Igumenicës u gjetën në mjet 27 pako me 17 kg 780 gram marijuanë. Droga ishte marrë në Shqipëri dhe kishte destinacion Italinë, pasi mjeti do tentonte të udhëtonte me tragetin e linjës Igumenicë-Ankona”, thuhet nga policia e Igumenicës.
