Një sherr mes disa personave në stacion e autobusëve në Përrenjas, ka cuar në përdorimin e armëve të ftohta dhe plagosjen e 2 personave.
Sipas burimeve zyrtare, në sherr u përfshinë shtetasit Markeljano Hoxha dhe Nevzat Spaho, të cilët gjatë një konflikti për motive të dobëta, në bashkëpunim me njëri–tjetrin dyshohen të kenë goditur me thikë shtetasit E.B, 20 vjeç dhe R.V,24 vjeç, të dy banues në fshatin Rrajcë.
Të dy plagosurit u dërguan menjëherë për ndihmë mjekësore në Spitalin e Librazhdit, ku mësohet se ndodhen jashtë rrezikut për jetën.
Ndërkohë që pas krimit dy autorët janë larguar në drejtim të Pogradecit me mjetin tip “Benz” me targa AA 258 KK, drejtuar nga shtetasi Elivert Karriqi.
Uniformat blu u vunë në ndjekje të mjetit, duke bërë të mundur arrestimin në flagrancë të tre shtetasve: Markeljano Hoxha, 23 vjeç; Nevzat Spaho, 20 vjeç dhe Elivert Karriqi, 33¬vjeç, të tre banorë në Përrenjas.
Në cilësinë e provës materiale policia sekuestroi mjetin tip “Benz” me targa AA 258 KK, dhe dy aparate telefoni.
Dosja i kalon prokurorisë për “Vrasja me dashje, mbetur në tentativë, në bashkëpunim”.
