Reshjet e shiut prezente në vend gjatë natës dhe orët e mëngjesit kanë sjellë përmbytje në disa qytete të vendit.
Në Durrës, uji është grumbulluar në rrugët e qytetit duke e bërë të vështirë qarkullimin e mjeteve dhe thuajse të pamundura kalimin e këmbësorëve.
Probleme ka pasur dhe në qytetin e Lezhës ku është paraqitur një situatë e ngjashme. Lagja “Besëlidhja” është përballuar me një situatë të vështirë nga reshjet, ku rrugët janë mbuluar nga uji.
Rruga Balldren-Lezhë po ashtu është mbuluar nga uji.
https://www.facebook.com/joqalbania/videos/742686639796627
Nga pamjet e publikuara në rrjetet sociale, problematika janë shfaqur dhe në Berat, ku ka pasur shpërthim të ujëra të zeza në një nga rrugët e qytetit.
https://www.facebook.com/joqalbania/videos/747778885773252
Në Lushnje po ashtu, është raportuar për përmbytje të rrugëve.
E njëjta situatë edhe në Fier. Disa lagje të qytetit si “Konferenca e Pezës”, Kongresi i Përmetit”, Lagjja “Liri Gero” janë përmbytur nga reshjet.
Problematika e përmbytjeve vijon të shfaqet shpesh në qytetet e vendit me prezencën e reshjeve. Situatë kjo që ka vite që u vështirëson jetën qytetarëve edhe ende vijon të jetë e pazgjidhur nga pushteti.
/BN/
