Kryeministri Edi Rama ka fyer mbrëmë në studion e gazetares Eni Vasili, deputeten Mimoza Hafizi, e cila pati thënë se Rama i kishte ofruar poste ministrore që të mos largohej nga partia.
Rama tha se Hafizi “të hajë përshesh tani në partinë e re të Blushit”.
Ndërkohë që sot ka ardhur përgjigja e deputetes së Shkodrës, duke përdorur ironinë, por jo gjuhën fyese të Ramës.
Statusi i Hafizit:
Të gjithë ata që janë lënduar mbrëmë nga gjuha vulgare e kryeministrit ndaj meje, dua t’i siguroj se përgjigjen do ia kthej nesër, nga foltorja e Parlamentit.
Por jam e bindur se sjellja e këtij njeriu që nuk e di apo harron se është kryeministër, nuk më cënon vetëm mua, por edhe ty, ju, edhe të gjithë ata që ende e dinë dhe e marrin për kryeministër.
