Shtetasi Rajeld Zani, 31 vjeç, banues në Berat, tentoi t’i jepte 100 mijë lekë të vjetra një polici rrugor për shkeljen e bërë, por u arrestua nga forcat e rendit. Ai po udhëtonte në aksin rrugor Kuçovë-Frashër me mjetin e tij tip Volkswagen (kamion).
“Në momentin kur punonjësi i policisë rrugore do t’i plotësonte masën administrative për mosrespektim të sinjalizimit rrugor, drejtuesi i mjetit ka tentuar të korruptojë punonjësit e policisë duke i ofruar 10.000 (dhjetë mijë lekë të rinj). Menjëherë punonjësit e policisë rrugore kanë bërë shoqërimin e drejtuesit të automjetit shtetasit Rajeld Zani”, sqaron policia.
Në përfundim të veprimeve proceduriale u bë arrestimi në flagrancë për veprën penale “Korrupsioni aktiv i personave që ushtrojnë funksione publike”, ndërsa materialet i kaluan Prokurorisë së Rrethit Gjyqësor Berat, për veprime të mëtejshme.
