Kryeministri Edi Rama e humbet qetësinë kur gazetarët nuk bëjnë pyetjet që ai dëshiron dhe në të tilla raste kalon në fyerje.
Kështu ndodhi edhe mbrëmë me gazetaren Eni Vasili në emisionin “Studio e Hapur”.
Por këtë herë kryeministri e kaloi masën duke e krahasuar indirekt Eni Vasilin me një nga personazhet e serialit të famshëm “Narcos” që është një lloj biografie për narko-trafikantin famëkeq Pablo Eskobar.
Kryeministri i kërkoi edhe moderatores së “Studio e Hapur” Eni Vasilit që ta shikojë si serial sepse është shumë tërheqës.
“Aty do të kuptosh edhe dallimin me Shqipërinë, shikoje si film se nuk dua ta gjej se cili je ti si personazh”, i tha kryeministri gazetares Vasili.
Në serialin Narcos, që kryeministri Rama e përmendi mbrëmë, një ndër personazhet kryesorë është një gazetare. Valeria Vélez (që luan rolin e Virginia Vallejo) është gazetare e një televizioni dhe e dashura e përjetshme e bosit të drogës.
Ajo përdoret prej Pablo Eskobar edhe për të mediatizuar në ndihmë të tij, ndërkohë që Valeria Vélez është edhe nxitëse e pengmarrjes dhe vrasjes së një gazetareje rivale.
Pra, krahasimi që i bëri kryeministri Edi Rama gazetares Eni Vasili përbën një skandal.
