Shuhet në moshën 87-vjeçare, anëtarja e Gjykatës së Lartë të Drejtësisë në Shtetet e Bashkuara, Ruth Bader Ginsburg.
Ikona amerikane e të drejtave të grave ndërroi jetë në shtëpinë e saj në Uashington për shkak të kancerit të pankreasit.
Më herët, Ginsburg pati njoftuar se po i nënshtrohej kimioterapisë. Në nderim të gjykatëses, Shtëpia e Bardhë uli flamujt në gjysmë shtizë, ndërsa presidenti Donald Trump vlerësoi punën e saj duke theksuar se ishte një grua e mrekullueshme.
Ngushëllimet e tij për familjarët i shprehu dhe kandidati demokrat për zgjedhjet presidenciale, Joe Biden. Ndërkohë, qytetarë të shumtë kanë bërë homazhe në nderim të Ginsburg, duke ndezur qirinj dhe vendosur lule në shkallët e Gjykatës së Lartë të Drejtësisë.
