E paparashikueshme ka qenë për ministrin e shëndetësisë, Ilir Beqaj, kur një familjar i një pacienti të shtruar tek shërbimi i onkologjisë i është ankuar atij me qesen e farmacisë në dorë se ilaçet sapo i kishte blerë vetë.
Madje, qytetari duke i zënë rrugën i ka treguar Beqajt ilaçin e blerë jashtë spitalit në farmaci, Citostatikë, pa pullën e Ministrisë së Shëndetësisë. Edhe pas kësaj Beqaj i ndodhur si në kurth i ka thënë qytetarit që ta telefonoj më vonë ose do ta marr ai vet në telefon për shqetësimin e tij.
Ajo që ishte e çuditshme në gjithë këtë situatë është se kreu I shëndetësisë nuk u interesuar as për emrin e ilaçit që tregëtohet kontrabandë e as për shërbimin e Onkologjikut që nuk ka ilaçe për pacientët. Për ta “përcjellë” familjarin e pacientit Beqaj I morri në një copë letër vetëm numrin e tij të telefonit.
Ditën e sotme Ministrit të Shëndetësisë, Ilir Beqaj, ishte në QSUT, në shërbimin e Onkologjikut. Një gatishmëri e jashtëzakonshme e mjekëve, infermierëve, drejtuesve të shërbimit, sanitareve e koordinatorëve që në orët e para të mëngjesit. Pas disa orëve pritje, ministri erdhi bashkë me deputeten Klodiana Spahiu. Ndërsa ajo që binte në sy ishte mungesa e drejtoreshës së QSUT¬së, Ogerta Manastirliu.
Aktiviteti vazhdoi qetësisht, pa praninë e kamerave dhe me një kujdes maksimal për shmangien e situatave të ngjashme.
Biseda e gazetares me familjarin e pacientit:
Gazetarja: Çfarë i kërkove ministrit?
Familjari: Ilaçe
Gazetarja:Çfarë të tha?
Familjari:Më merr pasdite në telefon ose të të bëj unë telefon.
Gazetarja: I bleve këto ilaçet?
Familjari: I bleva. 116 mijë lekë.
Gazetarja: Kë telefonoi ministri?
Familjari: Shënoi numrin tim të telefonit dhe asgjë tjetër. Kemi dy javë me këtë punë (tregon ilaçet dhe faturën). Kam gruan e sëmurë aty nuk lëviz dot, për të shtruar nuk e shtrojnë.
