Skrapari, vendi ku u lind dhe u rrit mjeku infeksionist Pëllumb Pipero, e nderoi sot doktorin me titullin e lartë “Qytetar Nderi”.
Pavarësisht apeleve të vazhdueshme për t´u mbrojtur nga Covid-19, mjeku Pipero u prit me buqeta me lule nga qytetarët e Skraparit, miqtë, kolegët dhe familjarët e tij.
Me kërkesën e qytetarëve të Skraparit, Këshilli Bashkiak miratoi me unanimitet në 28 Maj 2020 dhënien e titullit “Qytetar Nderi” i Skraparit prof.dok.Pëllumb Piperos, me motivacionin “Për veprimtari të shquara profesionale dhe akademike përgjatë gjithë karrierës së tij në fushën e mjekësisë, vëçanërisht atë të sëmundjeve infektive si dhe për kontrrollin e çmuar profesional e publik në përballimin e situatës së pandemisë së shkaktuar nga Covid-19″, thuhet në njoftimin e bashkisë Skrapar.
Mjeku për një çast e ka harruar koronavirusin, pasi siç duket edhe nga fotot e shkrepura, nuk kanë munguar përqafimet dhe puthjet.
