Kreu i PD-së Lulzim Basha uroi, të hënën, nxnënësit për nisjen e vitit të ri shkollor.
Përmes një postimi në FB, Basha uroi nxënësit e klasës së parë, të cilët ulen për herë të parë në banka, në kushtet e pandemisë:
“Një urim i veçantë nga zemra për vogëlushët që sot ulen për herë të parë në bankat e shkollës. Askush nuk do donte që dita juaj e parë e rrugëtimit drejt dijes të ishte si kjo e sotmja në mes të pandemisë, shoqëruar me masa të veçanta që e bëjnë të vështirë këtë fillim shkolle.”
Po ashtu Basha uroi mësuesit, përgjegjësia mbi të cilët është më e lartë këtë viti:
“Urime më të mira për mësuesit tanë që këtë vit do të përballen me orare të zgjatura dhe vështirësi më të mëdha se vitet e tjera.”
Në fund, Basha i bëri apel nxënësve që të respektojnë masat dhe të ruajnë njëri-tjetrin dhe familjet e tyre.
