Pak ditë më parë aktorja e njohur indiane Sara Khan përmes një postimi në Instagram bëri të ditur se është infektuar me koronavirus. Sara tregoi se është karantinuar në shtëpinë e saj dhe po pret ta kalojë sa më shpejt virusin.
Së fundmi aktorja ka publikuar një foto nga karantina, ku shfaqet në dhomën e saj dhe duket në formë të mirë.
“Doja t’ju tregoja se jam mirë dhe inshallah shërohem sa më shpejt nga virus idiot. Jam e bekuar që kam urimet, dashurinë, kujdesin dhe suportin tuaj”-shkruan Sara.
Aktorja po qëndron në shtëpinë e prindërve të saj, por është kujdesur të mbajë distancën. Këtë e tregon edhe një video e publikuar nga motra e saj e cila e filmon Sarën në largësi teksa festojnë përvjetorin e martesës së prindërve të tyre.
