Një 46-vjeçar nga një fshat i Pogradecit, është vënë në pranga për akuzën “Marrëdhënie seksuale me të mitur”. Blerim Bizgjoni akuzohet se muajin e kaluar, ka kryer marrëdhënie intime në mënyrë të përsëritur me një vajzë 13-vjeçare.
“Specialistët për Hetimin e Krimeve në Komisariatin e Policisë Pogradec, bënë arrestimin e shtetasit Blerim Bizgjoni, 46 vjeç, banues në një fshat të Njësisë Administrative Buçimas. Arrestimi i tij u bë pasi, dyshohet se ky shtetas gjatë muajit gusht, ka kryer marrëdhënie seksuale në mënyrë të përsëritur me një 13-vjeçare”, njoftoi policia.
“Materialet i kaluan Prokurorisë Pranë Gjykatës së Shkallës së Parë Pogradec për veprën penale ‘Marrëdhënie seksuale me të mitur’, shtuan të njëjtat burime.
Vajza, me të arrestuarin Blerim Bizgjoni ishin komshinj. Bizgjoni, çoban është me origjinë nga Rrodokal i Mokrës dhe njihej në fshat si njeri problematik. Ai është akuzuar më herët se joshte fëmijë me shuma parash, dhe i ngacmonte seksualisht. Burimet bëjnë të ditur gjithashtu se vajza vinte nga një familje shumë e varfër. Sipas kallëzueses, autori ka abuzuar për gati një muaj. Po ashtu, e ka kërcënuar të mos i tregonte askujt. Vetëm 2 ditë më parë, vajza ka mundur të takojë oficerin e zonës duke bërë denoncimin. Nga ekspertiza, ka rezultuar se ajo është abuzuar seksualisht dhe rrahur.
Vajza shkonte shpesh tek shtëpia e autorit pasi ishte shoqe e së bijës.
Lexo edhe:
