Ministri i Brendshëm, Sandër Lleshaj ka komentuar zërat për largimin e tij nga drejtimi i Ministrisë së Brendshme.
“Flitet që me ndryshimet e reja nuk do të jeni më në këtë post? Çfarë komenti keni”, u pyet Lleshaj nga gazetarët në Vlorë, ku ishte i pranishëm në kuadër të një aktiviteti.
“Çfarë komenti mund të kem për këtë?! (Qesh) Që sdo të jem në këtë post është krejt e sigurt”, u përgjigj.
Është e sigurt?
“Patjetër që është e sigurt. Askush nuk është i përjetshëm në një post (Qesh)”, shtoi ministri.
Së fundmi, Sandër Lleshaj u largua dhe nga drejtimi politik i PS në qarkun e Lezhës. Duke komentuar vendimin për largimin e Lleshajt, kryetari i grupit parlamentar të PS-së Taulant Balla tha se, “nuk ka të bëjë me perforacion e Lleshajt si drejtues politik”.
