Tradhëtia është ‘ndjenja’ që askush nuk do e donte të përballej, por gjatë gjithë jetës sonë është e pashmangshme. Nga shumë e shumë lajme të raportuara çdo ditë, ajo që lëndon më së shumti është tradhëtia në çift.
Lidhur me këtë ka folur në një emision televiziv në Abcnews edhe avokatja Erida Baxha. Ajo ka “shokuar” teksa është shprehur se mashkulli tradhëton për kënaqësinë e vetë personale jo për të lënduar një femër, duke e paralelizuar si një argëtim me shokët apo edhe me makina. Ajo thekson se tradhëtia nuk duhet të merret shumë seriozisht.
“E quaj tradhtinë si një aksesor që mashkulli e vë në lidhjen e vet për më shumë adrenalinë. Nëse një mashkull më ka tradhtuar jo domosdoshmërisht ka dashur të më lëndojë.
Tradhtia nuk është krim, është një pjesë argëtuese që ai e bën, mund ta marri me shokët, në gara me makina, në një udhëtim, e merr dhe nga një femër tjetër.
Unë them që është e paevitueshme, nuk di nëse do ta falja apo jo se varet nga rrethanat”, tha ajo në emisionin ‘Abc-ja e mëngjesit’.
Erida ka krijuar edhe një blog të sajin të quajtur “Ligjërisht bjonde” dhe ideja për këtë i erdhi nga qëndrimi para ekranit të Youtube.
