Identifikohet viktima e aksidentit në Vlorë.
Ajo është 25-vjeçarja Gabriela Meto nga Vlora, e cila humbi jetën një ditë më parë në aksidentin në Nartë.
Viktima ishte në drejtimin e mjetit tip “Ford” dhe sipas policisë, dyshohet se si pasojë e humbjes së kontrollit dhe shpejtësisë së lartë, mjeti ka dalë nga rruga dhe është përmbysur.
25-vjeçarja humbi jetën në vend.
Sa i përket të afërmes së viktimës që mbeti e plagosur, ajo ndodhet nën kujdesin e mjekëve, por jashtë rrezikut për jetën.
