Një zjarr i madh ka rënë mbrëmjen e sotme në Kepin e Rodonit. Pylli në afërsi të kishës së Shna Ndout është përfshirë nga flakët që po përhapen me shpejtësi pasi favorizohen nga era.
Nëse nuk ndërhyhet me mjete, rrezikohen që të shkrumbohen 50 ha pyje të zonës në një nga pikat më të bukura të rajonit turistik dhe historik të Durrësit. Vatra aktive ndodhet në krahun e djathtë të Kepit të Rodonit, në një pronë private të Provincës Franceskane.
Ditët e fundit ka pasur disa vatra aktive në vendin tonë, që nuk kanë kursyer veriun e as jugun. Në Vlorë paraqitet situata problematike pasi po bëhen 2 ditë që zjarrfikësit mundohen të shuajnë flakët në pyllin e Poros. Ndërsa në Postribë të Shkodrës është aktive një vatër që përbën rrezik të madh në zonë.
