Vetëm pak ditë pasi ka marrë detyrën në krye të Byrosë Kombëtare të Hetimit, Aida Hajnaj ka pritur sot në zyrë Ambasadoren amerikane Yuri Kim, e cila shoqërohej edhe nga agjentë të FBI. Takimi ka zgjatur rreth 45 minuta.
Kim ka takuar gjithashtu edhe prokurorët e SPAK dhe drejtuesin Arben Kraja.
Tashmë është faza e përzgjedhjes së oficerëve të policisë gjyqësore. 60 oficerë të policisë gjyqësore do të jenë pjesë e BKH dhe ky mendohet të ketë qenë edhe qëllimi i takimit.
SPAK dhe BKH janë projektuar si një FBI amerikane. Pas përzgjedhjes, 60 oficerët e policisë gjyqësore do të dërgohen në Nju Xhersi për të kryer një trajnim. Pritet hapja e garës nga Aida Hajnaj.
