Rihanna është fotografuar të premten në mbrëmje, me syrin e nxirë dhe fytyrën e mavijosur, ndërsa ndaloi për një moment për të porositur një darkë të shpejtë në Giorgio Baldi në Santa Monica.
32-vjeçarja më pas u largua me shpejtësi dhe u ul në vendin e pasëm të makinës së saj Cadillac Escalade, ndërsa priste porosinë në errësirë. Më pas, ajo hoqi syzet e diellit duke zbuluar shenjat në fytyrë, të parat pas atyre pamjeve të frikshme të sherrit me ish-in Chris Brown vite më parë.
Përfaqësuesi i saj i tha TMZ se ajo kishte bërë një aksident me një skuter elektronik disa ditë më parë dhe ishte rrëzuar pasi skuteri u përmbys, duke u goditur në fytyrë dhe në ballë.
Imazhet e lëndimeve të RiRi-t u shoqëruan me spekulime për një grindje fizike, duke pasur parasysh sulmin nga i dashuri i atëhershëm Chris Brown në Shkurt të 2009. Por një skenar i tillë u mohua.
Asokohe, Brown, 31 vjeç, ra dakord për një marrëveshje për pranimin e fajësisë, për të cilën iu dha pesë vjet provë dhe u urdhërua të qëndronte larg nga Rihanna.
